kya tang hum sitam-zadagan ka jahan hai
Interesting Fact
Sixth sher has been dedicated to the last Mughal Emperor and contemporary of Ghalib and Zauq.
kyā tañg ham sitam-zadagāñ kā jahān hai
jis meñ ki ek baiza-e-mor āsmān hai
hai kā.enāt ko harakat tere zauq se
partav se āftāb ke zarre meñ jaan hai
hālāñki hai ye sīli-e-ḳhārā se laala rañg
ġhāfil ko mere shīshe pe mai kā gumān hai
kī us ne garm sīna-e-ahl-e-havas meñ jā
aave na kyuuñ pasand ki ThanDā makān hai
kyā ḳhuub tum ne ġhair ko bosa nahīñ diyā
bas chup raho hamāre bhī muñh meñ zabān hai
baiThā hai jo ki sāya-e-dīvār-e-yār meñ
farmāñ-ravā-e-kishvar-e-hindūstān hai
hastī kā e'tibār bhī ġham ne miTā diyā
kis se kahūñ ki daaġh jigar kā nishān hai
hai baare e'timād-e-vafā-dārī is qadar
'ġhālib' ham is meñ ḳhush haiñ ki nā-mehrbān hai
dehlī ke rahne vaalo 'asad' ko satāo mat
be-chāra chand roz kā yaañ mehmān hai
Interesting
kya tang hum sitam-zadagan ka jahan hai
jis mein ki ek baiza-e-mor aasman hai
hai kaenat ko harakat tere zauq se
partaw se aaftab ke zarre mein jaan hai
haalanki hai ye sili-e-KHara se lala rang
ghafil ko mere shishe pe mai ka guman hai
ki us ne garm sina-e-ahl-e-hawas mein ja
aawe na kyun pasand ki ThanDa makan hai
kya KHub tum ne ghair ko bosa nahin diya
bas chup raho hamare bhi munh mein zaban hai
baiTha hai jo ki saya-e-diwar-e-yar mein
farman-rawa-e-kishwar-e-hindustan hai
hasti ka e'tibar bhi gham ne miTa diya
kis se kahun ki dagh jigar ka nishan hai
hai bare e'timad-e-wafa-dari is qadar
'ghaalib' hum is mein KHush hain ki na-mehrban hai
dehli ke rahne walo 'asad' ko satao mat
be-chaara chand roz ka yan mehman hai
Interesting
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
