kya tumne kabhi zindagi karte hue dekha

kyā tum ne kabhī zindagī karte hue dekhā

maiñ ne to ise bār-hā marte hue dekhā

paanī thā magar apne hī dariyā se judā thā

chaḌhte hue dekhā na utarte hue dekhā

tum ne to faqat us kī rivāyat hī sunī hai

ham ne vo zamāna bhī guzarte hue dekhā

yaad us ke vo gulnār sarāpe nahīñ aate

is zaḳhm se us zaḳhm ko bharte hue dekhā

ik dhund ki rānoñ meñ pighaltī huī paa.ī

ik ḳhvāb ki zarre meñ utarte hue dekhā

bārīk sī ik daraz thī aur us se guzar thā

phir dekhne vāloñ ne guzarte hue dekhā

kya tum ne kabhi zindagi karte hue dekha

main ne to ise bar-ha marte hue dekha

pani tha magar apne hi dariya se juda tha

chaDhte hue dekha na utarte hue dekha

tum ne to faqat us ki riwayat hi suni hai

hum ne wo zamana bhi guzarte hue dekha

yaad us ke wo gulnar sarape nahin aate

is zaKHm se us zaKHm ko bharte hue dekha

ek dhund ki ranon mein pighalti hui pai

ek KHwab ki zarre mein utarte hue dekha

barik si ek daraz thi aur us se guzar tha

phir dekhne walon ne guzarte hue dekha