lahu mein tairte phirte malal se kuchh hain

lahū meñ tairte phirte malāl se kuchh haiñ

kabhī suno to diloñ meñ savāl se kuchh haiñ

maiñ ḳhud bhī Duub rahā huuñ har ik sitāre meñ

ki ye charāġh mire hasb-e-hāl se kuchh haiñ

ġham-e-firāq se ik pal nazar nahīñ haTtī

is aa.ine meñ tire ḳhadd-o-ḳhāl se kuchh haiñ

ik aur mauj ki ai sail-e-ishtibāh abhī

hamārī kisht-e-yaqīñ meñ ḳhayāl se kuchh haiñ

tire firāq kī sadiyāñ tire visāl ke pal

shumār-e-umr meñ ye maah o saal se kuchh haiñ

lahu mein tairte phirte malal se kuchh hain

kabhi suno to dilon mein sawal se kuchh hain

main KHud bhi Dub raha hun har ek sitare mein

ki ye charagh mere hasb-e-haal se kuchh hain

gham-e-firaq se ek pal nazar nahin haTti

is aaine mein tere KHadd-o-KHal se kuchh hain

ek aur mauj ki ai sail-e-ishtibah abhi

hamari kisht-e-yaqin mein KHayal se kuchh hain

tere firaq ki sadiyan tere visal ke pal

shumar-e-umr mein ye mah o sal se kuchh hain