agar yaqin nahin aata to aazmae mujhe

agar yaqīñ nahīñ aatā to āzmā.e mujhe

vo aa.ina hai to phir aa.ina dikhā.e mujhe

ajab charāġh huuñ din raat jaltā rahtā huuñ

maiñ thak gayā huuñ havā se kaho bujhā.e mujhe

maiñ jis kī aañkh kā aañsū thā us ne qadr na kī

bikhar gayā huuñ to ab ret se uThā.e mujhe

bahut dinoñ se maiñ in pattharoñ meñ patthar huuñ

koī to aa.e zarā der ko rulā.e mujhe

maiñ chāhtā huuñ ki tum hī mujhe ijāzat do

tumhārī tarah se koī gale lagā.e mujhe

agar yaqin nahin aata to aazmae mujhe

wo aaina hai to phir aaina dikhae mujhe

ajab charagh hun din raat jalta rahta hun

main thak gaya hun hawa se kaho bujhae mujhe

main jis ki aankh ka aansu tha us ne qadr na ki

bikhar gaya hun to ab ret se uThae mujhe

bahut dinon se main in pattharon mein patthar hun

koi to aae zara der ko rulae mujhe

main chahta hun ki tum hi mujhe ijazat do

tumhaari tarah se koi gale lagae mujhe