aziz itna hi rakkho ki ji sambhal jae

aziiz itnā hī rakkho ki jī sambhal jaa.e

ab is qadar bhī na chāho ki dam nikal jaa.e

mile haiñ yuuñ to bahut aao ab mileñ yuuñ bhī

ki ruuh garmi-e-anfās se pighal jaa.e

mohabbatoñ meñ ajab hai diloñ ko dhaḌkā sā

ki jaane kaun kahāñ rāsta badal jaa.e

zahe vo dil jo tamannā-e-tāza-tar meñ rahe

ḳhoshā vo umr jo ḳhvāboñ hī meñ bahal jaa.e

maiñ vo charāġh sar-e-rahguzār-e-duniyā huuñ

jo apnī zaat kī tanhā.iyoñ meñ jal jaa.e

har ek lahza yahī aarzū yahī hasrat

jo aag dil meñ hai vo sher meñ bhī Dhal jaa.e

aziz itna hi rakkho ki ji sambhal jae

ab is qadar bhi na chaho ki dam nikal jae

mile hain yun to bahut aao ab milen yun bhi

ki ruh garmi-e-anfas se pighal jae

mohabbaton mein ajab hai dilon ko dhaDka sa

ki jaane kaun kahan rasta badal jae

zahe wo dil jo tamanna-e-taza-tar mein rahe

KHosha wo umr jo KHwabon hi mein bahal jae

main wo charagh sar-e-rahguzar-e-duniya hun

jo apni zat ki tanhaiyon mein jal jae

har ek lahza yahi aarzu yahi hasrat

jo aag dil mein hai wo sher mein bhi Dhal jae