zaKHm jhele dagh bhi khae bahut

zaḳhm jhele daaġh bhī khaa.e bahut

dil lagā kar ham to pachhtā.e bahut

jab na tab jāgah se tum jaayā kiye

ham to apnī or se aa.e bahut

dair se sū-e-haram aayā na Tuk

ham mizāj apnā idhar laa.e bahut

phuul gul shams o qamar saare hī the

par hameñ in meñ tumhīñ bhaa.e bahut

gar bukā is shor se shab ko hai to

roveñge sone ko ham-sā.e bahut

vo jo niklā sub.h jaise āftāb

rashk se gul phuul murjhā.e bahut

'mīr' se pūchhā jo maiñ āshiq ho tum

ho ke kuchh chupke se sharmā.e bahut

zaKHm jhele dagh bhi khae bahut

dil laga kar hum to pachhtae bahut

jab na tab jagah se tum jaya kiye

hum to apni or se aae bahut

dair se su-e-haram aaya na Tuk

hum mizaj apna idhar lae bahut

phul gul shams o qamar sare hi the

par hamein in mein tumhin bhae bahut

gar buka is shor se shab ko hai to

rowenge sone ko ham-sae bahut

wo jo nikla subh jaise aaftab

rashk se gul phul murjhae bahut

'mir' se puchha jo main aashiq ho tum

ho ke kuchh chupke se sharmae bahut