main faqat is jurm mein duniya mein ruswa ho gaya

maiñ faqat is jurm meñ duniyā meñ rusvā ho gayā

maiñ ne jis chehre ko dekhā tere jaisā ho gayā

chāñd meñ kaise nazar aa.e tirī sūrat mujhe

āñdhiyoñ se āsmāñ kā rañg mailā ho gayā

ek maiñ hī raushnī ke ḳhvāb ko tarsā nahīñ

aaj to sūraj bhī jab niklā to andhā ho gayā

ye bhī shāyad zindagī kī ik adā hai dosto

jis ko sāthī mil gayā vo aur tanhā ho gayā

ek patthar zindagī ne taak kar maarā mujhe

choT vo khaa.ī ki saarā jism dohrā ho gayā

mil gayā miTTī meñ jab 'afzal' to ye aa.ī sadā

gir ga.ī dīvār aur saaya akelā ho gayā

main faqat is jurm mein duniya mein ruswa ho gaya

main ne jis chehre ko dekha tere jaisa ho gaya

chand mein kaise nazar aae teri surat mujhe

aandhiyon se aasman ka rang maila ho gaya

ek main hi raushni ke KHwab ko tarsa nahin

aaj to suraj bhi jab nikla to andha ho gaya

ye bhi shayad zindagi ki ek ada hai dosto

jis ko sathi mil gaya wo aur tanha ho gaya

ek patthar zindagi ne tak kar mara mujhe

choT wo khai ki sara jism dohra ho gaya

mil gaya miTTi mein jab 'afzal' to ye aai sada

gir gai diwar aur saya akela ho gaya