main jurm-e-KHamoshi ki safai nahin deta
maiñ jurm-e-ḳhamoshī kī safā.ī nahīñ detā
zālim use kahiye jo duhā.ī nahīñ detā
kahtā hai ki āvāz yahīñ chhoḌ ke jaao
maiñ varna tumheñ izn-e-rihā.ī nahīñ detā
charke bhī lage jaate haiñ dīvār-e-badan par
aur dast-e-sitam-gar bhī dikhā.ī nahīñ detā
āñkheñ bhī haiñ rastā bhī charāġhoñ kī ziyā bhī
sab kuchh hai magar kuchh bhī sujhā.ī nahīñ detā
ab apnī zamīñ chāñd ke mānind hai 'anvar'
boleñ to kisī ko bhī sunā.ī nahīñ detā
main jurm-e-KHamoshi ki safai nahin deta
zalim use kahiye jo duhai nahin deta
kahta hai ki aawaz yahin chhoD ke jao
main warna tumhein izn-e-rihai nahin deta
charke bhi lage jate hain diwar-e-badan par
aur dast-e-sitam-gar bhi dikhai nahin deta
aankhen bhi hain rasta bhi charaghon ki ziya bhi
sab kuchh hai magar kuchh bhi sujhai nahin deta
ab apni zamin chand ke manind hai 'anwar'
bolen to kisi ko bhi sunai nahin deta
- Book : ik daraicha ik chirag (Pg. 34)
- Author : ANWAR MASOOD
- Publication : Dost Publications (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
