main yahan shor kis liye karta
maiñ yahāñ shor kis liye kartā
dhar liyā jā.ūñgā ye imkāñ thā
dekhiye ruḳh havā kā kab Thahre
aa gayā le ke vo diyā jaltā
peḌ paude to ḳhauf khāte haiñ
ghaas par us kā bas nahīñ chaltā
uḌ gayā āḳhirash maiñ kamre se
kab tilak jīte-jī yahāñ martā
mere andar jo DhūñDhtā thā mujhe
us se kaT kar maiñ mil chukā kab kā
ḳhvāb de kar ye phuul laayā huuñ
kahiye mahñgā milā hai yā sastā
iid kā din to hai magar 'ja.afar'
maiñ akele to hañs nahīñ saktā
main yahan shor kis liye karta
dhar liya jaunga ye imkan tha
dekhiye ruKH hawa ka kab Thahre
aa gaya le ke wo diya jalta
peD paude to KHauf khate hain
ghas par us ka bas nahin chalta
uD gaya aaKHirash main kamre se
kab tilak jite-ji yahan marta
mere andar jo DhunDhta tha mujhe
us se kaT kar main mil chuka kab ka
KHwab de kar ye phul laya hun
kahiye mahnga mila hai ya sasta
id ka din to hai magar 'jafar'
main akele to hans nahin sakta
- Book : Shayad (Pg. 15)
- Author : Jafar Sahni
- Publication : Yawar Hussain (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
