koi dam bhi main kab andar raha hun
koī dam bhī maiñ kab andar rahā huuñ
liye haiñ saañs aur bāhar rahā huuñ
dhueñ meñ saañs haiñ sāñsoñ meñ pal haiñ
maiñ raushan-dān tak bas mar rahā huuñ
fanā har dam mujhe gintī rahī hai
maiñ ik dam kā thā aur din bhar rahā huuñ
zarā ik saañs rokā to lagā yuuñ
ki itnī der apne ghar rahā huuñ
ba-juz apne mayassar hai mujhe kyā
so ḳhud se apnī jebeñ bhar rahā huuñ
hamesha zaḳhm pahuñche haiñ mujhī ko
hamesha maiñ pas-e-lashkar rahā huuñ
liTā de niiñd ke bistar pe ai raat
maiñ din bhar apnī palkoñ par rahā huuñ
koi dam bhi main kab andar raha hun
liye hain sans aur bahar raha hun
dhuen mein sans hain sanson mein pal hain
main raushan-dan tak bas mar raha hun
fana har dam mujhe ginti rahi hai
main ek dam ka tha aur din bhar raha hun
zara ek sans roka to laga yun
ki itni der apne ghar raha hun
ba-juz apne mayassar hai mujhe kya
so KHud se apni jeben bhar raha hun
hamesha zaKHm pahunche hain mujhi ko
hamesha main pas-e-lashkar raha hun
liTa de nind ke bistar pe ai raat
main din bhar apni palkon par raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
