aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jo ho saka na mera usko bhul jaun main

Anvar Mahmood Khalid

jo ho saka na mera usko bhul jaun main

Anvar Mahmood Khalid

MORE BYAnvar Mahmood Khalid

    jo ho sakā na mirā us ko bhuul jā.ūñ maiñ

    parā.ī aag meñ kyuuñ uñgliyāñ jalā.ūñ maiñ

    vo ab ke jaa.e to phir lauT kar na aa.e kabhī

    bhulā.e aise ki phir yaad bhī na aa.uuñ maiñ

    sukhī rahe vo sadā apne ghar ke āñgan meñ

    is ik duā ke liye haath ab uThā.ūñ maiñ

    na.ī rutoñ ke jhamele hoñ us zād-e-safar

    shikast-e-arz-e-tamannā pe gungunā.ūñ maiñ

    uThā.e naaz vahī jis vo amānat hai

    na rūThe mujh se na kar use manā.ūñ maiñ

    vo rotī āñkhoñ kare chaak merī tasvīreñ

    ik ek kar ke sabhī us ke ḳhat jalā.ūñ maiñ

    uThā ke dekhe vo khiḌkī ke reshmī parde

    to chāhne pe bhī us ko nazar na aa.uuñ maiñ

    havā ke haath bhī paiġhām vo agar bheje

    ḳhayāl ban ke bhī us ke nagar na jā.ūñ maiñ

    vo hādsāt hiddat se jab pighalne lage

    to chāñd ban ke ḳhunuk dil meñ jagmagā.ūñ maiñ

    jo ho saka na mera us ko bhul jaun main

    parai aag mein kyun ungliyan jalaun main

    wo ab ke jae to phir lauT kar na aae kabhi

    bhulae aise ki phir yaad bhi na aaun main

    sukhi rahe wo sada apne ghar ke aangan mein

    is ek dua ke liye hath ab uThaun main

    nai ruton ke jhamele hon us ka zad-e-safar

    shikast-e-arz-e-tamanna pe gungunaun main

    uThae naz wahi jis ki wo amanat hai

    na ruThe mujh se na ja kar use manaun main

    wo roti aankhon kare chaak meri taswiren

    ek ek kar ke sabhi us ke KHat jalaun main

    uTha ke dekhe wo khiDki ke reshmi parde

    to chahne pe bhi us ko nazar na aaun main

    hawa ke hath bhi paigham wo agar bheje

    KHayal ban ke bhi us ke nagar na jaun main

    wo hadsat ki hiddat se jab pighalne lage

    to chand ban ke KHunuk dil mein jagmagaun main

    Source:

    Muntakhab Gazle.n (Pg. 42)

    • Author: Nasir Zaidi
      • Edition: 1983
      • Publisher: Zahid Malik
      • Year of Publication: 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now