tarash kar mere bazu uDan chhoD gaya
tarāsh kar mire baazū uḌaan chhoḌ gayā
havā ke paas barahna kamān chhoḌ gayā
rafāqatoñ kā mirī us ko dhyān kitnā thā
zamīn le lī magar āsmān chhoḌ gayā
ajiib shaḳhs thā bārish kā rañg dekh ke bhī
khule darīche pe ik pūl-dān chhoḌ gayā
jo bādaloñ se bhī mujh ko chhupā.e rakhtā thā
baḌhī hai dhuup to be-sā.ebān chhoḌ gayā
nikal gayā kahīñ an-dekhe pāniyoñ kī taraf
zamīñ ke naam khulā bādbān chhoḌ gayā
uqaab ko thī ġharaz fāḳhta pakaḌne se
jo gir ga.ī to yūñhī nīm-jān chhoḌ gayā
na jaane kaun sā aaseb dil meñ bastā hai
ki jo bhī Thahrā vo āḳhir makān chhoḌ gayā
aqab meñ gahrā samundar hai sāmne jañgal
kis intihā pe mirā mehrbān chhoḌ gayā
tarash kar mere bazu uDan chhoD gaya
hawa ke pas barahna kaman chhoD gaya
rafaqaton ka meri us ko dhyan kitna tha
zamin le li magar aasman chhoD gaya
ajib shaKHs tha barish ka rang dekh ke bhi
khule dariche pe ek pul-dan chhoD gaya
jo baadalon se bhi mujh ko chhupae rakhta tha
baDhi hai dhup to be-saeban chhoD gaya
nikal gaya kahin an-dekhe paniyon ki taraf
zamin ke nam khula baadban chhoD gaya
uqab ko thi gharaz faKHta pakaDne se
jo gir gai to yunhi nim-jaan chhoD gaya
na jaane kaun sa aaseb dil mein basta hai
ki jo bhi Thahra wo aaKHir makan chhoD gaya
aqab mein gahra samundar hai samne jangal
kis intiha pe mera mehrban chhoD gaya
- Book : kulliyaat-e-maahe tamaam(sadbarg) (Pg. 25)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
