merī navā-e-shauq se shor harīm-e-zāt meñ
ġhulġhula-hā-e-al-amāñ but-kada-e-sifāt meñ
huur o farishta haiñ asiir mere taḳhaiyyulāt meñ
merī nigāh se ḳhalal terī tajalliyāt meñ
garche hai merī justujū dair o haram kī naqsha-band
merī fuġhāñ se rustaḳhez ka.aba o somnāt meñ
gaah mirī nigāh-e-tez chiir ga.ī dil-e-vajūd
gaah ulajh ke rah ga.ī mere tavahhumāt meñ
tū ne ye kyā ġhazab kiyā mujh ko bhī faash kar diyā
maiñ hī to ek raaz thā sīna-e-kā.enāt meñ
meri nawa-e-shauq se shor harim-e-zat mein
ghulghula-ha-e-al-aman but-kada-e-sifat mein
hur o farishta hain asir mere taKHaiyyulat mein
meri nigah se KHalal teri tajalliyat mein
garche hai meri justuju dair o haram ki naqsha-band
meri fughan se rustaKHez kaba o somnat mein
gah meri nigah-e-tez chir gai dil-e-wajud
gah ulajh ke rah gai mere tawahhumat mein
tu ne ye kya ghazab kiya mujh ko bhi fash kar diya
main hi to ek raaz tha sina-e-kaenat mein
Videos
This video is playing from YouTube
Mohammad Ali
meri nawa-e-shauq se shor harim-e-zat mein
Nomaan Shauque
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.