Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main kaun hun ai ham-nafasan soKHta-jaan hun

Meer Taqi Meer

main kaun hun ai ham-nafasan soKHta-jaan hun

Meer Taqi Meer

MORE BYMeer Taqi Meer

    maiñ kaun huuñ ai ham-nafasāñ soḳhta-jāñ huuñ

    ik aag mire dil meñ hai jo shoa.la-fishāñ huuñ

    laayā hai mirā shauq mujhe parde se bāhar

    maiñ varna vahī ḳhalvatī-e-rāz-e-nihāñ huuñ

    jalva hai mujhī se lab-e-dariyā-e-suḳhan par

    sad-rañg mirī mauj hai maiñ tab-e-ravāñ huuñ

    panja hai mirā panja-e-ḳhurshīd maiñ har sub.h

    maiñ shāna-sifat sāya-e-rū zulf-e-butāñ huuñ

    dekhā hai mujhe jin ne so dīvāna hai merā

    maiñ bā.is-e-āshuftagī-e-tab-e-jahāñ huuñ

    taklīf na kar aah mujhe jumbish-e-lab

    maiñ sad suḳhan-āġhushta-ba-ḳhūñ zer-e-zabāñ huuñ

    huuñ zard ġham-e-tāza-nihālān-e-chaman se

    us bāġh-e-ḳhizāñ-dīda meñ maiñ barg-e-ḳhizāñ huuñ

    rakhtī hai mujhe ḳhvāhish-e-dil bas-ki pareshāñ

    darpai na ho is vaqt ḳhudā jaane kahāñ huuñ

    ik vahm nahīñ besh mirī hasti-e-mauhūm

    us par bhī tirī ḳhātir-e-nāzuk pe garāñ huuñ

    ḳhush-bāshī-o-tanzīya-o-taqaddus the mujhe 'mīr'

    asbāb paḌe yuuñ ki ka.ī roz se yaañ huuñ

    main kaun hun ai ham-nafasan soKHta-jaan hun

    ek aag mere dil mein hai jo shoala-fishan hun

    laya hai mera shauq mujhe parde se bahar

    main warna wahi KHalwati-e-raaz-e-nihan hun

    jalwa hai mujhi se lab-e-dariya-e-suKHan par

    sad-rang meri mauj hai main tab-e-rawan hun

    panja hai mera panja-e-KHurshid main har subh

    main shana-sifat saya-e-ru zulf-e-butan hun

    dekha hai mujhe jin ne so diwana hai mera

    main bais-e-ashuftagi-e-tab-e-jahan hun

    taklif na kar aah mujhe jumbish-e-lab ki

    main sad suKHan-aghushta-ba-KHun zer-e-zaban hun

    hun zard gham-e-taza-nihaalan-e-chaman se

    us bagh-e-KHizan-dida mein main barg-e-KHizan hun

    rakhti hai mujhe KHwahish-e-dil bas-ki pareshan

    darpai na ho is waqt KHuda jaane kahan hun

    ek wahm nahin besh meri hasti-e-mauhum

    us par bhi teri KHatir-e-nazuk pe garan hun

    KHush-bashi-o-tanziya-o-taqaddus the mujhe 'mir'

    asbab paDe yun ki kai roz se yan hun

    RECITATIONS

    Shamsur Rahman Faruqi

    Shamsur Rahman Faruqi,

    Shamsur Rahman Faruqi

    main kaun hun ai ham-nafasan soKHta-jaan hun Shamsur Rahman Faruqi

    Source :
    • Book : MIRIYAAT - Diwan No- 1, Ghazal No- 0321
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now