aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mere subut bahe ja rahe hain pani mein

Farhat Ehsas

mere subut bahe ja rahe hain pani mein

Farhat Ehsas

MORE BYFarhat Ehsas

    mire subūt bahe rahe haiñ paanī meñ

    kise gavāh banā.ūñ sarā-e-fānī meñ

    jo āñ.suoñ meñ nahāte rahe so paak rahe

    namāz varna kise mil sakī javānī meñ

    bhaḌak uThe haiñ phir ā.ankhoñ meñ āñ.suoñ ke charāġh

    phir aaj aag lagā ga.ī hai paanī meñ

    hamīñ the aaise kahāñ ke ki apne ghar jaate

    baḌe-baḌoñ ne guzārī hai be-makānī meñ

    ye be-kanār badan kaun paar kar paayā

    bahe chale ga.e sab log is ravānī meñ

    visāl o hijr ki ek ik charāġh the donoñ

    siyāh ho ke rahe shab ke be-karānī meñ

    bas ek lams ki jal jaa.eñ sab ḳhas-o-ḳhāshāk

    ise visāl bhī kahte haiñ ḳhush-bayānī meñ

    kahānī ḳhatm huī tab mujhe ḳhayāl aayā

    tire sivā bhī to kirdār the kahānī meñ

    na chāhiye mujhe vo āsmāñ jo merā na ho

    maiñ ḳhush huuñ apnī miTTī āsmānī meñ

    mere subut bahe ja rahe hain pani mein

    kise gawah banaun sara-e-fani mein

    jo aansuon mein nahate rahe so pak rahe

    namaz warna kise mil saki jawani mein

    bhaDak uThe hain phir aaankhon mein aansuon ke charagh

    phir aaj aag laga di gai hai pani mein

    hamin the aaise kahan ke ki apne ghar jate

    baDe-baDon ne guzari hai be-makani mein

    ye be-kanar badan kaun par kar paya

    bahe chale gae sab log is rawani mein

    visal o hijr ki ek ek charagh the donon

    siyah ho ke rahe shab ke be-karani mein

    bas ek lams ki jal jaen sab KHas-o-KHashak

    ise visal bhi kahte hain KHush-bayani mein

    kahani KHatm hui tab mujhe KHayal aaya

    tere siwa bhi to kirdar the kahani mein

    na chahiye mujhe wo aasman jo mera na ho

    main KHush hun apni hi miTTi ki aasmani mein

    Source:

    Mohabbat Kar Ke Dekho Na (Pg. 94)

    • Author: Farhat Ehsas
      • Edition: First
      • Publisher: Rekhta Publications
      • Year of Publication: 2019
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now