meri giraft mein hai taer-e-KHayal mera
mirī giraft meñ hai tā.er-e-ḳhayāl mirā
magar uḌaa.e liye jā rahā hai jaal mirā
yaqīn itnā nahīñ merā jitnā nabz kā hai
mirī zabān se suntā nahīñ vo haal mirā
kamāl kī vo imārat mirī huī mismār
khañDar kī shakl meñ baaqī rahā zavāl mirā
fazā meñ jhoñk de āñdhī ke baad paanī bhī
uḌaa.ī ḳhaak to ab ḳhuun bhī uchhāl mirā
zabān apnī badalne pe koī raazī nahīñ
vahī javāb hai us kā vahī savāl mirā
maiñ sar kiye hue baiThā huuñ ik na.ī choTī
kuchh aur fāsle se dekh ab kamāl mirā
meri giraft mein hai taer-e-KHayal mera
magar uDae liye ja raha hai jal mera
yaqin itna nahin mera jitna nabz ka hai
meri zaban se sunta nahin wo haal mera
kamal ki wo imarat meri hui mismar
khanDar ki shakl mein baqi raha zawal mera
faza mein jhonk de aandhi ke baad pani bhi
uDai KHak to ab KHun bhi uchhaal mera
zaban apni badalne pe koi raazi nahin
wahi jawab hai us ka wahi sawal mera
main sar kiye hue baiTha hun ek nai choTi
kuchh aur fasle se dekh ab kamal mera
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
