meri nazar mein KHak tere aaine pe gard hai

mirī nazar meñ ḳhaak tere aa.ine pe gard hai

ye chāñd kitnā zard hai ye raat kitnī sard hai

kabhī kabhī to yuuñ lagā ki ham sabhī machine haiñ

tamām shahr meñ na koī zan na koī mard hai

ḳhudā kī nazmoñ kī kitāb saarī kā.enāt hai

ġhazal ke she'r kī tarah har ek fard fard hai

hayāt aaj bhī kanīz hai huzūr-e-jabr meñ

jo zindagī ko jiit le vo zindagī kā mard hai

ise tabarruk-e-hayāt kah ke palkoñ par rakhūñ

agar mujhe yaqīn ho ye rāste kī gard hai

vo jin ke zikr se ragoñ meñ dauḌtī thiiñ bijliyāñ

unhīñ kā haath ham ne chhū ke dekhā kitnā sard hai

meri nazar mein KHak tere aaine pe gard hai

ye chand kitna zard hai ye raat kitni sard hai

kabhi kabhi to yun laga ki hum sabhi machine hain

tamam shahr mein na koi zan na koi mard hai

KHuda ki nazmon ki kitab sari kaenat hai

ghazal ke she'r ki tarah har ek fard fard hai

hayat aaj bhi kaniz hai huzur-e-jabr mein

jo zindagi ko jit le wo zindagi ka mard hai

ise tabarruk-e-hayat kah ke palkon par rakhun

agar mujhe yaqin ho ye raste ki gard hai

wo jin ke zikr se ragon mein dauDti thin bijliyan

unhin ka hath hum ne chhu ke dekha kitna sard hai