mizaj-o-martaba-e-chashm-e-nam ko pahchane

mizāj-o-martaba-e-chashm-e-nam ko pahchāne

jo tujh ko dekh ke aa.e vo ham ko pahchāne

milā hai dard hameñ dard-āshnā kī tarah

bhalā huā ki ḳhulūs-e-karam ko pahchāne

hazār kos nigāhoñ se dil kī manzil tak

koī fareb se dekhe to ham ko pahchāne

ye ḳhud-fareb ujāle ye haath haath diye

diye bujhāo ki insān ġham ko pahchāne

bahut dinoñ to havāoñ kā ham ne ruḳh dekhā

baḌe dinoñ meñ matā-e-qalam ko pahchāne

mizaj-o-martaba-e-chashm-e-nam ko pahchane

jo tujh ko dekh ke aae wo hum ko pahchane

mila hai dard hamein dard-ashna ki tarah

bhala hua ki KHulus-e-karam ko pahchane

hazar kos nigahon se dil ki manzil tak

koi fareb se dekhe to hum ko pahchane

ye KHud-fareb ujale ye hath hath diye

diye bujhao ki insan gham ko pahchane

bahut dinon to hawaon ka hum ne ruKH dekha

baDe dinon mein mata-e-qalam ko pahchane