kitne aish se rahte honge kitne itraate honge
kitne aish se rahte hoñge kitne itrāte hoñge
jaane kaise log vo hoñge jo us ko bhāte hoñge
shaam hue ḳhush-bāsh yahāñ ke mere paas aa jaate haiñ
mere bujhne kā nazzāra karne aa jaate hoñge
vo jo na aane vaalā hai nā us se mujh ko matlab thā
aane vāloñ se kyā matlab aate haiñ aate hoñge
us kī yaad kī bād-e-sabā meñ aur to kyā hotā hogā
yūñhī mere baal haiñ bikhre aur bikhar jaate hoñge
yaaro kuchh to zikr karo tum us kī qayāmat bāñhoñ kā
vo jo simaTte hoñge un meñ vo to mar jaate hoñge
merā saañs ukhaḌte hī sab bain kareñge ro.eñge
ya.anī mere ba.ad bhī ya.anī saañs liye jaate hoñge
kitne aish se rahte honge kitne itraate honge
jaane kaise log wo honge jo us ko bhate honge
sham hue KHush-bash yahan ke mere pas aa jate hain
mere bujhne ka nazzara karne aa jate honge
wo jo na aane wala hai na us se mujh ko matlab tha
aane walon se kya matlab aate hain aate honge
us ki yaad ki baad-e-saba mein aur to kya hota hoga
yunhi mere baal hain bikhre aur bikhar jate honge
yaro kuchh to zikr karo tum us ki qayamat banhon ka
wo jo simaTte honge un mein wo to mar jate honge
mera sans ukhaDte hi sab bain karenge roenge
yani mere baad bhi yani sans liye jate honge
- Book : yani (Pg. 140)
- Author : jaun eliya
- Publication : farid book depot (2006)
- Edition : 2006
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
