mashal-e-dard phir ek bar jala li jae
mash.al-e-dard phir ek baar jalā lī jaa.e
jashn ho jaa.e zarā dhuum machā lī jaa.e
ḳhuun meñ josh nahīñ aayā zamāna guzrā
dosto aao koī baat nikālī jaa.e
jaan bhī merī chalī jaa.e to kuchh baat nahīñ
vaar terā na magar ek bhī ḳhālī jaa.e
jo bhī milnā hai tire dar hī se milnā hai use
dar tirā chhoḌ ke kaise ye savālī jaa.e
vasl kī sub.h ke hone meñ hai kuchh der abhī
dāstāñ hijr kī kuchh aur baḌhā lī jaa.e
mashal-e-dard phir ek bar jala li jae
jashn ho jae zara dhum macha li jae
KHun mein josh nahin aaya zamana guzra
dosto aao koi baat nikali jae
jaan bhi meri chali jae to kuchh baat nahin
war tera na magar ek bhi KHali jae
jo bhi milna hai tere dar hi se milna hai use
dar tera chhoD ke kaise ye sawali jae
wasl ki subh ke hone mein hai kuchh der abhi
dastan hijr ki kuchh aur baDha li jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
