mujhe mila wo bahaaron ki sarKHushi ke sath
mujhe milā vo bahāroñ kī sarḳhushī ke saath
gul-o-saman se ziyāda shaguftagī ke saath
vo raat chashma-e-zulmāt par guzārī thī
vo jab tulūa huā mujh pe raushnī ke saath
agar shu.ūr na ho to bahisht hai duniyā
baḌe azaab meñ guzrī hai āgahī ke saath
ye ittifāq haiñ sab raah kī masāfat ke
chale kisī ke liye jā mile kisī ke saath
burā nahīñ hai magar hasb-e-tishnagī bhī kahāñ
sulūk-e-shahd-labāñ merī tishnagī ke saath
fazā meñ raqs hai 'sahbā' hasīñ parindoñ kā
mujhe bhī hasrat-e-parvāz hai kisī ke saath
mujhe mila wo bahaaron ki sarKHushi ke sath
gul-o-saman se ziyaada shaguftagi ke sath
wo raat chashma-e-zulmat par guzari thi
wo jab tulua hua mujh pe raushni ke sath
agar shuur na ho to bahisht hai duniya
baDe azab mein guzri hai aagahi ke sath
ye ittifaq hain sab rah ki masafat ke
chale kisi ke liye ja mile kisi ke sath
bura nahin hai magar hasb-e-tishnagi bhi kahan
suluk-e-shahd-laban meri tishnagi ke sath
faza mein raqs hai 'sahba' hasin parindon ka
mujhe bhi hasrat-e-parwaz hai kisi ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
