mujhe rang-e-KHwab se zindagi ka yaqin mila

mujhe rañg-e-ḳhvāb se zindagī kā yaqīñ milā

kabhī dil dukhā to kuchh aur bhī vo qarīñ milā

koī qissa hijr-o-visāl kā na sunā mujhe

jo harīm-e-dard tak aa gayā so vahīñ milā

sar-e-ḳhvāb hī kabhī tum bhī to mujhe dekhte

vo tilism thā ki falak bhī zer-e-nagīñ milā

isī aa.ine se mileñgī merī gavāhiyāñ

tumheñ aks merā jis aa.ine meñ nahīñ milā

kahīñ naqsh-e-pā koī mauj-e-rañg nahīñ thī maiñ

maiñ vo soch huuñ jise e'tibār-e-jabīñ milā

mirī zindagī kaḌī dhuup meñ to kaTī magar

mirī chhāñv sā koī sā.ebāñ bhī kahīñ milā

huā yuuñ ki phir mujhe zindagī ne basar kiyā

koī din the jab mujhe har nazāra hasīñ milā

mujhe rang-e-KHwab se zindagi ka yaqin mila

kabhi dil dukha to kuchh aur bhi wo qarin mila

koi qissa hijr-o-visal ka na suna mujhe

jo harim-e-dard tak aa gaya so wahin mila

sar-e-KHwab hi kabhi tum bhi to mujhe dekhte

wo tilism tha ki falak bhi zer-e-nagin mila

isi aaine se milengi meri gawahiyan

tumhein aks mera jis aaine mein nahin mila

kahin naqsh-e-pa koi mauj-e-rang nahin thi main

main wo soch hun jise e'tibar-e-jabin mila

meri zindagi kaDi dhup mein to kaTi magar

meri chhanw sa koi saeban bhi kahin mila

hua yun ki phir mujhe zindagi ne basar kiya

koi din the jab mujhe har nazara hasin mila