usne kaha hasti teri maine kaha jalwa tera
us ne kahā hastī tirī maiñ ne kahā jalvā tirā
us ne kahā phir nīstī maiñ ne kahā pardā tirā
us ne kahā jaanā mirā maiñ ne kahā merī ajal
us ne kahā phir zindagī maiñ ne kahā aanā tirā
us ne kahā shām-e-balā maiñ ne kahā gesū tire
us ne kahā sub.h-e-safā maiñ ne kahā chehrā tirā
us ne kahā bārān-e-ġham maiñ ne kahā ronā mirā
us ne kahā barq-e-sitam maiñ ne kahā hañsnā tirā
us ne kahā tū kaun hai maiñ ne kahā naqsh-e-qadam
us ne kahā manzil tirī maiñ ne kahā kūcha tirā
us ne kahā kyā kaam hai maiñ ne kahā ḳhidmat tirī
us ne kahā kyā naam hai maiñ ne kahā bandā tirā
us ne kahā dil le gayā maiñ ne kahā haañ le gayā
us ne kahā vo kaun thā maiñ ne kahā ġhamza tirā
us ne kahā kyā dil meñ hai maiñ ne kahā ulfat tirī
us ne kahā kyā sar meñ hai maiñ ne kahā saudā tirā
us ne kahā kis se gila maiñ ne kahā taqdīr se
us ne kahā taqdīr kyā maiñ ne kahā manshā tirā
us ne kahā shab kaun thā maiñ ne kahā 'taufīq' thā
us ne kahā vo kaun hai maiñ ne kahā shaidā tirā
us ne kaha hasti teri main ne kaha jalwa tera
us ne kaha phir nisti main ne kaha parda tera
us ne kaha jaana mera main ne kaha meri ajal
us ne kaha phir zindagi main ne kaha aana tera
us ne kaha sham-e-bala main ne kaha gesu tere
us ne kaha subh-e-safa main ne kaha chehra tera
us ne kaha baran-e-gham main ne kaha rona mera
us ne kaha barq-e-sitam main ne kaha hansna tera
us ne kaha tu kaun hai main ne kaha naqsh-e-qadam
us ne kaha manzil teri main ne kaha kucha tera
us ne kaha kya kaam hai main ne kaha KHidmat teri
us ne kaha kya nam hai main ne kaha banda tera
us ne kaha dil le gaya main ne kaha han le gaya
us ne kaha wo kaun tha main ne kaha ghamza tera
us ne kaha kya dil mein hai main ne kaha ulfat teri
us ne kaha kya sar mein hai main ne kaha sauda tera
us ne kaha kis se gila main ne kaha taqdir se
us ne kaha taqdir kya main ne kaha mansha tera
us ne kaha shab kaun tha main ne kaha 'taufiq' tha
us ne kaha wo kaun hai main ne kaha shaida tera
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
