murad-e-shikwa nahin lutf-e-guftugu ke siwa
murād-e-shikva nahīñ lutf-e-guftugū ke sivā
bachā hai pairahan jaañ meñ kyā rafū ke sivā
havā chalī thī har ik samt us ko paane kī
na kuchh bhī haath lagā gard-e-justujū ke sivā
kisī kī yaad mujhe baar baar kyuuñ aa.ī
us ek phuul meñ kyā shai thī rañg-o-bū ke sivā
ubhartā rahtā hai is ḳhāk-e-dil pe naqsh koī
ab is navāh meñ kuchh bhī nahīñ numū ke sivā
adhūrī chhoḌ ke tasvīr mar gayā vo 'zeb'
koī bhī rañg mayassar na thā lahū ke sivā
murad-e-shikwa nahin lutf-e-guftugu ke siwa
bacha hai pairahan jaan mein kya rafu ke siwa
hawa chali thi har ek samt us ko pane ki
na kuchh bhi hath laga gard-e-justuju ke siwa
kisi ki yaad mujhe bar bar kyun aai
us ek phul mein kya shai thi rang-o-bu ke siwa
ubharta rahta hai is KHak-e-dil pe naqsh koi
ab is nawah mein kuchh bhi nahin numu ke siwa
adhuri chhoD ke taswir mar gaya wo 'zeb'
koi bhi rang mayassar na tha lahu ke siwa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
