mutalba

bas ye nahīñ hasīn-o-ḳhush-atvār chāhiye

laḌkī hasīn sūrat-e-gulnār chāhiye

karte haiñ aap agar mirī shādī kī bāt-chīt

fihrist se na jur.at-e-inkār chāhiye

suniye baġhaur nikle jo merī zabān se

shādī se peshtar mujhe ik car chāhiye

phir is ke saath saath ye lāzim hai aap ko

achchhā driver koī hushiyār chāhiye

shādī ke baa'd hī mire rahne ke vāste

ik ḳhushnumā flat bhī tayyār chāhiye

ḳhidmat ko merī chand mulāzim bhī hoñ zarūr

buldog ek sher sā ḳhuñḳhār chāhiye

har saal mere naam se chanda bharā kareñ

paḌhne ke vāste mujhe aḳhbār chāhiye

shādī ke baa'd ḳhatm na hogā ye silsila

ya.anī tamām umr ye bevhār chāhiye

bas ye nahin hasin-o-KHush-atwar chahiye

laDki hasin surat-e-gulnar chahiye

karte hain aap agar meri shadi ki baat-chit

fihrist se na jurat-e-inkar chahiye

suniye baghaur nikle jo meri zaban se

shadi se peshtar mujhe ek car chahiye

phir is ke sath sath ye lazim hai aap ko

achchha driwer koi hushiyar chahiye

shadi ke ba'd hi mere rahne ke waste

ek KHushnuma flat bhi tayyar chahiye

KHidmat ko meri chand mulazim bhi hon zarur

buldog ek sher sa KHunKHar chahiye

har sal mere nam se chanda bhara karen

paDhne ke waste mujhe aKHbar chahiye

shadi ke ba'd KHatm na hoga ye silsila

yani tamam umr ye bewhaar chahiye