nahin malum kitne ho chuke hain imtihan ab tak

nahīñ mālūm kitne ho chuke haiñ imtihāñ ab tak

magar tere vafādāroñ kī himmat hai javāñ ab tak

ye tūfān-e-havādis aur talātum baad o bārāñ ke

mohabbat ke sahāre kashti-e-dil hai ravāñ ab tak

kahāñ chhoḌā hai dil ko kārvān-e-āh-o-nāla ne

ki hai āvāra manzil yūsuf-e-be-kārvāñ ab tak

talāsh-e-bahr meñ qatre ne kitnī Thokareñ khā.īñ

samajh letā jo ḳhud ko ban hī jaatā be-karāñ ab tak

dil-e-bīmār ko hamdam havā-e-sair-e-gul kyā ho

ki hai nā-mo'tadil āb-o-havā-e-gulsitāñ ab tak

azal se gosh-e-dil meñ gūñjte haiñ zamzame tere

magar ai dost maiñ ne tujh ko paayā be-nishāñ ab tak

ayaañ afsurdagi-e-gul se hai anjām gulshan kā

magar ḳhūn-e-dil-e-bulbul hai sarf-e-āshiyāñ ab tak

nahin malum kitne ho chuke hain imtihan ab tak

magar tere wafadaron ki himmat hai jawan ab tak

ye tufan-e-hawadis aur talatum baad o baran ke

mohabbat ke sahaare kashti-e-dil hai rawan ab tak

kahan chhoDa hai dil ko karwan-e-ah-o-nala ne

ki hai aawara manzil yusuf-e-be-karwan ab tak

talash-e-bahr mein qatre ne kitni Thokaren khain

samajh leta jo KHud ko ban hi jata be-karan ab tak

dil-e-bimar ko hamdam hawa-e-sair-e-gul kya ho

ki hai na-mo'tadil aab-o-hawa-e-gulsitan ab tak

azal se gosh-e-dil mein gunjte hain zamzame tere

magar ai dost main ne tujh ko paya be-nishan ab tak

ayan afsurdagi-e-gul se hai anjam gulshan ka

magar KHun-e-dil-e-bulbul hai sarf-e-ashiyan ab tak