nazar bhar ke yun jo mujhe dekhta hai

nazar bhar ke yuuñ jo mujhe dekhtā hai

batā bhī de mujh ko ki kyā sochtā hai

mohabbat nahīñ jaise kyā kar liyā ho

zamāna mujhe is qadar Toktā hai

december kī sardī hai us ke hī jaisī

zarā sā jo chhū le badan kāñptā hai

lagāyā hai dil bhī to patthar se maiñ ne

mirī zindagī kī yahī ik ḳhatā hai

jise dekh ke ġham bhī rasta badal de

vo chehra na jaane kahāñ lāpata hai

koī baat dil meñ yaqīnan hī hai jo

vo milte hue ġhaur se dekhtā hai

usī kī galī kā koī ek laḌkā

mohabbat kā mujh se hunar pūchhtā hai

na DhūñDho kahīñ bhī milūñgā yahīñ pe

ye ujḌī havelī hī merā pata hai

koī farq paḌtā nahīñ 'mīt' ko ab

jahāñ us ke baare meñ kyā sochtā hai

nazar bhar ke yun jo mujhe dekhta hai

bata bhi de mujh ko ki kya sochta hai

mohabbat nahin jaise kya kar liya ho

zamana mujhe is qadar Tokta hai

december ki sardi hai us ke hi jaisi

zara sa jo chhu le badan kanpta hai

lagaya hai dil bhi to patthar se main ne

meri zindagi ki yahi ek KHata hai

jise dekh ke gham bhi rasta badal de

wo chehra na jaane kahan lapata hai

koi baat dil mein yaqinan hi hai jo

wo milte hue ghaur se dekhta hai

usi ki gali ka koi ek laDka

mohabbat ka mujh se hunar puchhta hai

na DhunDho kahin bhi milunga yahin pe

ye ujDi haweli hi mera pata hai

koi farq paDta nahin 'mit' ko ab

jahan us ke bare mein kya sochta hai