ne zaKHm-e-KHun-chakan hun na halq-e-burida hun

ne zaḳhm-e-ḳhūñ-chakāñ huuñ na halq-e-burīda huuñ

āshiq huuñ maiñ kisī kā aur āfat-rasīda huuñ

hastī se apnī mujh ko nahīñ mutlaq āgahī

umr-e-guzishta yā ki ġhazāl-e-ramīda huuñ

nikle hai merī vaz.a se ik shorish-e-junūñ

dariyā nahīñ maiñ sail-e-girebāñ-darīda huuñ

murġhān-e-bāġh meñ mire naale kā shor hai

har-chand maiñ abhī nafs-e-nā-kashīda huuñ

pahuñche sazā ko apnī jo muñh par mire chaḌhe

maiñ dast-e-rozgār meñ teġh-e-kashīda huuñ

jaatā hai jald qāfila-e-umr kis qadar

mohlat nahīñ hai itnī ki Tuk ārmīda huuñ

kaun uTh gayā hai paas se mere jo 'mus.hafī'

rotā huuñ zaar zaar paḌā āb-dīda huuñ

ne zaKHm-e-KHun-chakan hun na halq-e-burida hun

aashiq hun main kisi ka aur aafat-rasida hun

hasti se apni mujh ko nahin mutlaq aagahi

umr-e-guzishta ya ki ghazal-e-ramida hun

nikle hai meri waza se ek shorish-e-junun

dariya nahin main sail-e-gireban-darida hun

murghan-e-bagh mein mere nale ka shor hai

har-chand main abhi nafs-e-na-kashida hun

pahunche saza ko apni jo munh par mere chaDhe

main dast-e-rozgar mein tegh-e-kashida hun

jata hai jald qafila-e-umr kis qadar

mohlat nahin hai itni ki Tuk aarmida hun

kaun uTh gaya hai pas se mere jo 'mushafi'

rota hun zar zar paDa aab-dida hun