nigah-e-faqr mein shan-e-sikandari kya hai
Interesting Fact
(Bal-e-Jibril)
nigāh-e-faqr meñ shān-e-sikandarī kyā hai
ḳhirāj kī jo gadā ho vo qaisarī kyā hai
butoñ se tujh ko umīdeñ ḳhudā se naumīdī
mujhe batā to sahī aur kāfirī kyā hai
falak ne un ko atā kī hai ḳhvājgī ki jinheñ
ḳhabar nahīñ ravish-e-banda-parvarī kyā hai
faqat nigāh se hotā hai faisla dil kā
na ho nigāh meñ shoḳhī to dilbarī kyā hai
isī ḳhatā se itāb-e-mulūk hai mujh par
ki jāntā huuñ ma.āl-e-sikandarī kyā hai
kise nahīñ hai tamannā-e-sarvarī lekin
ḳhudī kī maut ho jis meñ vo sarvarī kyā hai
ḳhush aa ga.ī hai jahāñ ko qalandarī merī
vagarna sher mirā kyā hai shā.irī kyā hai
nigah-e-faqr mein shan-e-sikandari kya hai
KHiraj ki jo gada ho wo qaisari kya hai
buton se tujh ko umiden KHuda se naumidi
mujhe bata to sahi aur kafiri kya hai
falak ne un ko ata ki hai KHwajgi ki jinhen
KHabar nahin rawish-e-banda-parwari kya hai
faqat nigah se hota hai faisla dil ka
na ho nigah mein shoKHi to dilbari kya hai
isi KHata se itab-e-muluk hai mujh par
ki jaanta hun maal-e-sikandari kya hai
kise nahin hai tamanna-e-sarwari lekin
KHudi ki maut ho jis mein wo sarwari kya hai
KHush aa gai hai jahan ko qalandari meri
wagarna sher mera kya hai shairi kya hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
