nigah ke liye ek KHwab bhi ghanimat hai
nigāh ke liye ik ḳhvāb bhī ġhanīmat hai
vo tīrgī hai ki ye raushnī ġhanīmat hai
chalo kahīñ pe ta.alluq kī koī shakl to ho
kisī ke dil meñ kisī kī kamī ġhanīmat hai
kam o ziyāda pe isrār kyā kiyā jaa.e
hamāre daur meñ itnī sī bhī ġhanīmat hai
badal rahe haiñ zamāne ke rañg kyā kyā dekh
nazar uThā ki ye nazzārgī ġhanīmat hai
na jaane vaqt kī gardish dikhā.egī kyā ruḳh
guzar rahī hai jo ye zindagī ġhanīmat hai
ġham-e-jahāñ ke jhameloñ meñ āftāb 'husain'
ḳhayāl-e-yār kī āsūdgī ġhanīmat hai
nigah ke liye ek KHwab bhi ghanimat hai
wo tirgi hai ki ye raushni ghanimat hai
chalo kahin pe talluq ki koi shakl to ho
kisi ke dil mein kisi ki kami ghanimat hai
kam o ziyaada pe israr kya kiya jae
hamare daur mein itni si bhi ghanimat hai
badal rahe hain zamane ke rang kya kya dekh
nazar uTha ki ye nazzargi ghanimat hai
na jaane waqt ki gardish dikhaegi kya ruKH
guzar rahi hai jo ye zindagi ghanimat hai
gham-e-jahan ke jhamelon mein aaftab 'husain'
KHayal-e-yar ki aasudgi ghanimat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
