nisbat wahi mah-e-asman se

nisbat vahī māh-e-āsmāñ se

laa.eñ tashbīh-e-ruḳh kahāñ se

missī kī sifat bayāñ na hogī

sausan bhī kahe jo sau zabāñ se

tashbīh jo maañg kī na haath aa.e

lā.ūñ maiñ maañg kahkashāñ se

saudā hai jo bulbuloñ ko gul kā

tinke chun laa.eñ āshiyāñ se

ye hārij-e-shab vo māne-e-roz

darbāñ se laḌūñ ki pāsbāñ se

jīteñge na ham se bāzī-e-ishq

aġhyār ke piT paḌeñge pāñse

hai qadr-e-suḳhan 'saḳhī' ko hāsil

yaañ ke har piir aur javāñ se

nisbat wahi mah-e-asman se

laen tashbih-e-ruKH kahan se

missi ki sifat bayan na hogi

sausan bhi kahe jo sau zaban se

tashbih jo mang ki na hath aae

laun main mang kahkashan se

sauda hai jo bulbulon ko gul ka

tinke chun laen aashiyan se

ye haarij-e-shab wo mane-e-roz

darban se laDun ki pasban se

jitenge na hum se bazi-e-ishq

aghyar ke piT paDenge panse

hai qadr-e-suKHan 'saKHi' ko hasil

yan ke har pir aur jawan se