pan ban ban ke meri jaan kahan jate hain
paan ban ban ke mirī jaan kahāñ jaate haiñ
ye mire qatl ke sāmān kahāñ jaate haiñ
sar agar jaa.e to jaa.e magar ai ḳhanjar-e-yār
sar se apne tire ehsān kahāñ jaate haiñ
ba.ad marne ke bhī miTTī mirī barbād rahī
mirī taqdīr ke nuqsān kahāñ jaate haiñ
haal khultā nahīñ in ḳhvesh-farāmoshoñ kā
roz ke roz ye mehmān kahāñ jaate haiñ
kis kī āshufta-mizājī kā ḳhayāl aayā hai
aap hairān pareshān kahāñ jaate haiñ
aaj kis muñh se mirī dil-shikanī hotī hai
aaj vo aap ke mehmān kahāñ jaate haiñ
ai 'zahīr' ab ye khulā haal baḌī duur haiñ aap
aap jaate haiñ jahāñ dhyān kahāñ jaate haiñ
pan ban ban ke meri jaan kahan jate hain
ye mere qatl ke saman kahan jate hain
sar agar jae to jae magar ai KHanjar-e-yar
sar se apne tere ehsan kahan jate hain
baad marne ke bhi miTTi meri barbaad rahi
meri taqdir ke nuqsan kahan jate hain
haal khulta nahin in KHwesh-faramoshon ka
roz ke roz ye mehman kahan jate hain
kis ki aashufta-mizaji ka KHayal aaya hai
aap hairan pareshan kahan jate hain
aaj kis munh se meri dil-shikani hoti hai
aaj wo aap ke mehman kahan jate hain
ai 'zahir' ab ye khula haal baDi dur hain aap
aap jate hain jahan dhyan kahan jate hain
- Book : Intekhab-e-Sukhan(Jild-2) (Pg. 199)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
