pani mein aks aur kisi aasman ka hai
paanī meñ aks aur kisī āsmāñ kā hai
ye naav kaun sī hai ye dariyā kahāñ kā hai
dīvār par khile haiñ na.e mausamoñ ke phuul
saaya zamīn par kisī pichhle makāñ kā hai
chāroñ taraf haiñ sabz salāḳheñ bahār kī
jin meñ ghirā huā koī mausam ḳhizāñ kā hai
sab kuchh badal gayā hai tah-e-āsmāñ magar
bādal vahī haiñ rañg vahī āsmāñ kā hai
dil meñ ḳhayāl-e-shahr-e-tamannā thā jis jagah
vaañ ab malāl ik safar-e-rā.egāñ kā hai
pani mein aks aur kisi aasman ka hai
ye naw kaun si hai ye dariya kahan ka hai
diwar par khile hain nae mausamon ke phul
saya zamin par kisi pichhle makan ka hai
chaaron taraf hain sabz salaKHen bahaar ki
jin mein ghira hua koi mausam KHizan ka hai
sab kuchh badal gaya hai tah-e-asman magar
baadal wahi hain rang wahi aasman ka hai
dil mein KHayal-e-shahr-e-tamanna tha jis jagah
wan ab malal ek safar-e-raegan ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
