paDa tha likhna mujhe KHud hi marsiya mera

paḌā thā likhnā mujhe ḳhud hī marsiya merā

ki mere ba.ad bhalā aur kaun thā merā

ajiib taur kī mujh ko sazā sunā.ī ga.ī

badan ke neze pe sar rakh diyā gayā merā

yahī ki saañs bhī lene na degī ab mujh ko

ziyāda aur bigāḌegī kyā havā merā

maiñ apnī ruuh liye dar-ba-dar bhaTaktā rahā

badan se duur mukammal vajūd thā merā

mire safar ko to sadiyāñ guzar ga.iiñ lekin

falak pe ab bhī hai qaa.em nishān-e-pā merā

bas ek baar milā thā mujhe kahīñ 'āzar'

banā gayā vo mujhī ko mujassama merā

paDa tha likhna mujhe KHud hi marsiya mera

ki mere baad bhala aur kaun tha mera

ajib taur ki mujh ko saza sunai gai

badan ke neze pe sar rakh diya gaya mera

yahi ki sans bhi lene na degi ab mujh ko

ziyaada aur bigaDegi kya hawa mera

main apni ruh liye dar-ba-dar bhaTakta raha

badan se dur mukammal wajud tha mera

mere safar ko to sadiyan guzar gain lekin

falak pe ab bhi hai qaem nishan-e-pa mera

bas ek bar mila tha mujhe kahin 'azar'

bana gaya wo mujhi ko mujassama mera