aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pesh-tar jumbish-e-lab baat se pahle kya tha

Ejaz Gul

pesh-tar jumbish-e-lab baat se pahle kya tha

Ejaz Gul

MORE BYEjaz Gul

    pesh-tar jumbish-e-lab baat se pahle kyā thā

    zehn meñ sifr auqāt se pahle kyā thā

    vaslat o hijrat-e-ushshāq meñ kyā thā avval

    nafī thī ba.ad to isbāt se pahle kyā thā

    koī gardish thī ki sākit the zamīn o ḳhurshīd

    gumbad-e-vaqt meñ din raat se pahle kyā thā

    maiñ agar pahlā tamāshā thā tamāshā-gah meñ

    mashġhala us mirī zaat se pahle kyā thā

    kuchh vasīla to rahā hogā shikam-serī

    rizq-e-ḳhufta ki nabātāt se pahle kyā thā

    maiñ agar ādam-e-sānī huuñ to virsa hai kahāñ

    zarf-e-ajdād meñ amvāt se pahle kyā thā

    har mulāqāt anjām judā.ī thā agar

    phir ye hañgāma mulāqāt se pahle kyā thā

    maiñ bhī maġhlūb thā hājāt kasrat se magar

    lutf us ko bhī munājāt se pahle kyā thā

    pesh-tar jumbish-e-lab baat se pahle kya tha

    zehn mein sifr ki auqat se pahle kya tha

    waslat o hijrat-e-ushshaq mein kya tha awwal

    nafi thi baad to isbaat se pahle kya tha

    koi gardish thi ki sakit the zamin o KHurshid

    gumbad-e-waqt mein din raat se pahle kya tha

    main agar pahla tamasha tha tamasha-gah mein

    mashghala us ka meri zat se pahle kya tha

    kuchh wasila to raha hoga shikam-seri ka

    rizq-e-KHufta ki nabaatat se pahle kya tha

    main agar aadam-e-sani hun to wirsa hai kahan

    zarf-e-ajdad mein amwat se pahle kya tha

    har mulaqat ka anjam judai tha agar

    phir ye hangama mulaqat se pahle kya tha

    main bhi maghlub tha hajat ki kasrat se magar

    lutf us ko bhi munajat se pahle kya tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now