rang pairahan ka KHushbu zulf lahrane ka nam
rañg pairāhan kā ḳhushbū zulf lahrāne kā naam
mausam-e-gul hai tumhāre baam par aane kā naam
dosto us chashm o lab kī kuchh kaho jis ke baġhair
gulsitāñ kī baat rañgīñ hai na mai-ḳhāne kā naam
phir nazar meñ phuul mahke dil meñ phir sham.eñ jalīñ
phir tasavvur ne liyā us bazm meñ jaane kā naam
dilbarī Thahrā zabān-e-ḳhalq khulvāne kā naam
ab nahīñ lete parī-rū zulf bikhrāne kā naam
ab kisī lailā ko bhī iqrār-e-mahbūbī nahīñ
in dinoñ badnām hai har ek dīvāne kā naam
mohtasib kī ḳhair ūñchā hai usī ke faiz se
rind kā saaqī kā mai kā ḳhum kā paimāne kā naam
ham se kahte haiñ chaman vaale ġharībān-e-chaman
tum koī achchhā sā rakh lo apne vīrāne kā naam
'faiz' un ko hai taqāzā-e-vafā ham se jinheñ
āshnā ke naam se pyārā hai begāne kā naam
rang pairahan ka KHushbu zulf lahrane ka nam
mausam-e-gul hai tumhaare baam par aane ka nam
dosto us chashm o lab ki kuchh kaho jis ke baghair
gulsitan ki baat rangin hai na mai-KHane ka nam
phir nazar mein phul mahke dil mein phir shamen jalin
phir tasawwur ne liya us bazm mein jaane ka nam
dilbari Thahra zaban-e-KHalq khulwane ka nam
ab nahin lete pari-ru zulf bikhrane ka nam
ab kisi laila ko bhi iqrar-e-mahbubi nahin
in dinon badnam hai har ek diwane ka nam
mohtasib ki KHair uncha hai usi ke faiz se
rind ka saqi ka mai ka KHum ka paimane ka nam
hum se kahte hain chaman wale ghariban-e-chaman
tum koi achchha sa rakh lo apne virane ka nam
'faiz' un ko hai taqaza-e-wafa hum se jinhen
aashna ke nam se pyara hai begane ka nam
- Book : Nuskha Hai Wafa (Pg. 151)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
