aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

puchha na jaega jo watan se nikal gaya

Ameer Minai

puchha na jaega jo watan se nikal gaya

Ameer Minai

MORE BYAmeer Minai

    pūchhā na jā.egā jo vatan se nikal gayā

    be-kār hai jo daañt dahan se nikal gayā

    Thahreñ kabhī kajoñ meñ na dam bhar bhī rāst-rau

    aayā kamāñ meñ tiir to san se nikal gayā

    ḳhil.at pahan ke aane thī ghar meñ aarzū

    ye hausla bhī gor-o-kafan se nikal gayā

    pahlū meñ mere dil ko na ai dard kar talāsh

    muddat huī ġharīb vatan se nikal gayā

    murġhān-e-bāġh tum ko mubārak ho sair-e-gul

    kāñTā thā ek maiñ so chaman se nikal gayā

    kyā rañg terī zulf ne uḌā diyā

    kāfūr ho ke mushk ḳhutan se nikal gayā

    pyāsā huuñ is qadar ki mirā dil jo gir paḌā

    paanī ubal ke chāh-e-zaqan se nikal gayā

    saarā jahān naam ke pīchhe tabāh hai

    insān kiyā aqīq-e-yaman se nikal gayā

    kāñToñ ne bhī na dāman-e-gulchīñ pakaḌ liyā

    bulbul ko zab.h kar ke chaman se nikal gayā

    kyā shauq thā jo yaad sag-e-yār ne kiyā

    har ustuḳhāñ taḌap ke badan se nikal gayā

    ai sabza rañg-e-ḳhat bhī banā ab to bosa de

    begāna thā jo sabza chaman se nikal gayā

    manzūr ishq ko jo huā auj-e-husn par

    qumrī naala sarv-e-chaman se nikal gayā

    madd-e-nazar rahī hameñ aisī razā-e-dost

    kaaTī zabāñ jo shikva dahan se nikal gayā

    tā.ūs ne dikhā.e jo apne badan ke daaġh

    rotā huā sahāb chaman se nikal gayā

    sahrā meñ jab huī mujhe ḳhush-chashmoñ talāsh

    kosoñ maiñ āhuvān-e-ḳhutan se nikal gayā

    ḳhanjar khiñchā jo myaan se chamkā miyāñ-e-saf

    jauhar khule jo mard vatan se nikal gayā

    meñ sher paḌh ke bazm se kiyā uTh gayā 'amīr'

    bulbul chahak ke sehn-e-chaman se nikal gayā

    puchha na jaega jo watan se nikal gaya

    be-kar hai jo dant dahan se nikal gaya

    Thahren kabhi kajon mein na dam bhar bhi rast-rau

    aaya kaman mein tir to san se nikal gaya

    KHilat pahan ke aane ki thi ghar mein aarzu

    ye hausla bhi gor-o-kafan se nikal gaya

    pahlu mein mere dil ko na ai dard kar talash

    muddat hui gharib watan se nikal gaya

    murghan-e-bagh tum ko mubarak ho sair-e-gul

    kanTa tha ek main so chaman se nikal gaya

    kya rang teri zulf ki bu ne uDa diya

    kafur ho ke mushk KHutan se nikal gaya

    pyasa hun is qadar ki mera dil jo gir paDa

    pani ubal ke chah-e-zaqan se nikal gaya

    sara jahan nam ke pichhe tabah hai

    insan kiya aqiq-e-yaman se nikal gaya

    kanTon ne bhi na daman-e-gulchin pakaD liya

    bulbul ko zabh kar ke chaman se nikal gaya

    kya shauq tha jo yaad sag-e-yar ne kiya

    har ustuKHan taDap ke badan se nikal gaya

    ai sabza rang-e-KHat bhi bana ab to bosa de

    begana tha jo sabza chaman se nikal gaya

    manzur ishq ko jo hua auj-e-husn par

    qumri ka nala sarw-e-chaman se nikal gaya

    madd-e-nazar rahi hamein aisi raza-e-dost

    kaTi zaban jo shikwa dahan se nikal gaya

    taus ne dikhae jo apne badan ke dagh

    rota hua sahab chaman se nikal gaya

    sahra mein jab hui mujhe KHush-chashmon ki talash

    koson main aahuwan-e-KHutan se nikal gaya

    KHanjar khincha jo myan se chamka miyan-e-saf

    jauhar khule jo mard watan se nikal gaya

    mein sher paDh ke bazm se kiya uTh gaya 'amir'

    bulbul chahak ke sehn-e-chaman se nikal gaya

    RECITATIONS

    Fasih Akmal

    Fasih Akmal,

    Fasih Akmal

    puchha na jaega jo watan se nikal gaya Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now