aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

puchhe jo nishan koi anjaan nikalte hain

Farasat Rizwi

puchhe jo nishan koi anjaan nikalte hain

Farasat Rizwi

MORE BYFarasat Rizwi

    pūchhe jo nishāñ koī anjān nikalte haiñ

    ham rāh-guzāroñ se be-dhyān nikalte haiñ

    dil taaza marāsim ke āġhāz se Dartā hai

    milne se bichhaḌne ke imkān nikalte haiñ

    kis samt ko jaate haiñ ai rāh-e-chaman āḳhir

    lashkar gul-o-nik.hat ke har aan nikalte haiñ

    ghar rahiye ki bāhar hai ik raqs balāoñ

    is mausam-e-vahshat meñ nādān nikalte haiñ

    tum ishq ke kūche meñ jaañ nazr to kar dekho

    marne se bhī jiine ke unvān nikalte haiñ

    is sāya-e-mizhgāñ meñ kuchh vaqt guzārā hai

    ham par bhī un āñkhoñ ke ehsān nikalte haiñ

    hastī ye zanjīreñ ye jism dīvāreñ

    ham saath liye apnā zindān nikalte haiñ

    ham dekhte rahte haiñ is pyaas ke sahrā se

    kyā qāfila-e-abr-o-bārān nikalte haiñ

    gul shāḳhoñ pe aate haiñ kis ālam-e-afsūñ se

    kisī ġhaib vaadī se insān nikalte haiñ

    ye ālam-e-hastī hai ḳhvāb bastī hai

    jis samt chale jaa.eñ hairān nikalte haiñ

    buniyād-e-ta.alluq hai ik vahm-e-shanāsā.ī

    socho to sabhī chehre anjān nikalte haiñ

    kis vaqt nahīñ rahtī āñkhoñ meñ vo mauj-e-ḳhūñ

    kab dil se tire ġham ke paikān nikalte haiñ

    jis harf ke likhne meñ ho dil lahū shāmil

    us harf se fardā ke ruj.hān nikalte haiñ

    hai harf-e-suḳhan apnā bas apnī ḳhalvat meñ

    bāzār meñ yāroñ ke dīvān nikalte haiñ

    duniyā mohabbat saudā na kabhī karnā

    is saude ke āḳhir meñ nuqsān nikalte haiñ

    lo sub.h-e-adam aa.ī ab hijr saa.at hai

    shab-bhar sarā.e se mehmān nikalte haiñ

    puchhe jo nishan koi anjaan nikalte hain

    hum rah-guzaron se be-dhyan nikalte hain

    dil taza marasim ke aaghaz se Darta hai

    milne se bichhaDne ke imkan nikalte hain

    kis samt ko jate hain ai rah-e-chaman aaKHir

    lashkar gul-o-nikhat ke har aan nikalte hain

    ghar rahiye ki bahar hai ek raqs balaon ka

    is mausam-e-wahshat mein nadan nikalte hain

    tum ishq ke kuche mein jaan nazr to kar dekho

    marne se bhi jine ke unwan nikalte hain

    is saya-e-mizhgan mein kuchh waqt guzara hai

    hum par bhi un aankhon ke ehsan nikalte hain

    hasti ki ye zanjiren ye jism ki diwaren

    hum sath liye apna zindan nikalte hain

    hum dekhte rahte hain is pyas ke sahra se

    kya qafila-e-abr-o-baran nikalte hain

    gul shaKHon pe aate hain kis aalam-e-afsun se

    kisi ghaib ki wadi se insan nikalte hain

    ye aalam-e-hasti hai ya KHwab ki basti hai

    jis samt chale jaen hairan nikalte hain

    buniyaad-e-talluq hai ek wahm-e-shanasai

    socho to sabhi chehre anjaan nikalte hain

    kis waqt nahin rahti aankhon mein wo mauj-e-KHun

    kab dil se tere gham ke paikan nikalte hain

    jis harf ke likhne mein ho dil ka lahu shamil

    us harf se farda ke rujhan nikalte hain

    hai harf-e-suKHan apna bas apni hi KHalwat mein

    bazar mein yaron ke diwan nikalte hain

    duniya ki mohabbat ka sauda na kabhi karna

    is saude ke aaKHir mein nuqsan nikalte hain

    lo subh-e-adam aai ab hijr ki saat hai

    shab-bhar ki sarae se mehman nikalte hain

    Source:

    Kitab-e-Rafta (Pg. 137)

    • Author: Firasat Rizvi
      • Edition: 2007
      • Publisher: Academy Bazyaft, Karachi Pakistan Lahore
      • Year of Publication: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now