qasam na khao taghaful se baz aane ki

qasam na khaao taġhāful se baaz aane kī

ki dil meñ ab nahīñ tāqat satā.e jaane kī

hamārī maut ne kuchh muḳhtasar kiyā varna

kuchh intihā hī na thī ishq ke fasāne kī

girī na barq kuchh is ḳhauf se mire hote

taḌap ke aag bujhā duuñ na āshiyāne kī

tumhārā dard to darmāñ banā liyā ham ne

ab aur sochiye tadbīr dil dukhāne kī

zamāna kufr-e-mohabbat se kar chukā thā gurez

tirī nazar ne palaT dī havā zamāne kī

palaT palaT ke qafas hī kī samt jaatā huuñ

kisī ne raah batā.ī na āshiyāne kī

najāt dī ġham-e-duniyā se dard-e-dil ne mujhe

ye ek raah milī ġham se chhūT jaane kī

vo sub.h-e-īd kā manzar tire tasavvur meñ

vo dil meñ aa ke adā tere muskurāne kī

batā rahā hai har andāz ḳhāk-e-'fānī' kā

ye ḳhaak hai usī kāfir ke āstāne kī

qasam na khao taghaful se baz aane ki

ki dil mein ab nahin taqat satae jaane ki

hamari maut ne kuchh muKHtasar kiya warna

kuchh intiha hi na thi ishq ke fasane ki

giri na barq kuchh is KHauf se mere hote

taDap ke aag bujha dun na aashiyane ki

tumhaara dard to darman bana liya hum ne

ab aur sochiye tadbir dil dukhane ki

zamana kufr-e-mohabbat se kar chuka tha gurez

teri nazar ne palaT di hawa zamane ki

palaT palaT ke qafas hi ki samt jata hun

kisi ne rah batai na aashiyane ki

najat di gham-e-duniya se dard-e-dil ne mujhe

ye ek rah mili gham se chhuT jaane ki

wo subh-e-id ka manzar tere tasawwur mein

wo dil mein aa ke ada tere muskurane ki

bata raha hai har andaz KHak-e-'fani' ka

ye KHak hai usi kafir ke aastane ki