aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raat jab tak mere pahlu mein wo dildar na tha

Jurat Qalandar Bakhsh

raat jab tak mere pahlu mein wo dildar na tha

Jurat Qalandar Bakhsh

MORE BYJurat Qalandar Bakhsh

    raat jab tak mire pahlū meñ vo dildār na thā

    dil ko mujh se mujhe kuchh dil se sarokār na thā

    gird us kūche ke kis din ye gunāhgār na thā

    vaa.e hasrat ki koī raḳhna ba-dīvār na thā

    kal to bīmār ko thā tere na bistar pe qarār

    aaj bistar thā faqat aur vo bīmār na thā

    shukr ai bād-e-fanā juuñ shajar-e-soḳhta maiñ

    thā to gulshan meñ vale qābil-e-gulzār na thā

    nahīñ til dharne jāgah jo ba-afzūnī-e-husn

    dekhā shab us ko to ik ḳhaal ba-ruḳhsār na thā

    raat kyā baat thī batlā tire sadqe jā.ūñ

    aa.heñ bharnā vo tirā ḳhālī-az-asrār na thā

    dil ko dhar nok-e-sināñ par vo ye bolā hañs ke

    ham ne mansūr ko dekhā ba-sar-e-dār na thā

    bahs meñ chashm-e-tar-o-abr kal thā jo samāñ

    kabhī is shakl se rone bañdhā taar na thā

    zab.h ham sāmne hote hue qātil ke

    bāvajūde-ki koī haath meñ hathiyār na thā

    ba.ad murdan mire tābūt pe sab rote the

    chashm-e-pur-āb magar ik vo sitamgār na thā

    lek kyā muñh ko chhupātā thā jo kahte the ye log

    us ko zāhir meñ to marne kuchh āzār na thā

    tab.a kah aur ġhazal, hai ye 'nazīrī' javāb

    reḳhta ye jo paḌhā qābil-e-iz.hār na thā

    raat jab tak mere pahlu mein wo dildar na tha

    dil ko mujh se mujhe kuchh dil se sarokar na tha

    gird us kuche ke kis din ye gunahgar na tha

    wae hasrat ki koi raKHna ba-diwar na tha

    kal to bimar ko tha tere na bistar pe qarar

    aaj bistar tha faqat aur wo bimar na tha

    shukr ai baad-e-fana jun shajar-e-soKHta main

    tha to gulshan mein wale qabil-e-gulzar na tha

    nahin til dharne ki jagah jo ba-afzuni-e-husn

    dekha shab us ko to ek KHal ba-ruKHsar na tha

    raat kya baat thi batla tere sadqe jaun

    aahen bharna wo tera KHali-az-asrar na tha

    dil ko dhar nok-e-sinan par wo ye bola hans ke

    hum ne mansur ko dekha ba-sar-e-dar na tha

    bahs mein chashm-e-tar-o-abr ki kal tha jo saman

    kabhi is shakl se rone ka bandha tar na tha

    zabh hum samne hote hi hue qatil ke

    bawajude-ki koi hath mein hathiyar na tha

    baad murdan mere tabut pe sab rote the

    chashm-e-pur-ab magar ek wo sitamgar na tha

    lek kya munh ko chhupata tha jo kahte the ye log

    us ko zahir mein to marne ka kuchh aazar na tha

    taba kah aur ghazal, hai ye 'naziri' ka jawab

    reKHta ye jo paDha qabil-e-izhaar na tha

    Source:

    Kulliyat-e-Jura t áVolume-01 â (Pg. page-89 and e-book-129)

    • Author: Jurat Qalandar Bakhsh
      • Edition: 1968
      • Publisher: Majlis-e-Taraqqi-e-Adab, Lahore
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now