raaz kahan tak raaz rahega manzar-e-am pe aaega
raaz kahāñ tak raaz rahegā manzar-e-ām pe aa.egā
jī kā daaġh ujāgar ho kar sūraj ko sharmā.egā
shahroñ ko vīrān karegā apnī aañch kī tezī se
vīrānoñ meñ mast albele vahshī phuul khilā.egā
haañ yahī shaḳhs gudāz aur nāzuk hoñToñ par muskān liye
ai dil apne haath lagāte patthar kā ban jā.egā
diida o dil ne dard kī apne baat bhī kī to kis se kī
vo to dard kā baanī Thahrā vo kyā dard baTā.egā
terā nuur zuhūr salāmat ik din tujh par māh-e-tamām
chāñd-nagar kā rahne vaalā chāñd-nagar likh jā.egā
raaz kahan tak raaz rahega manzar-e-am pe aaega
ji ka dagh ujagar ho kar suraj ko sharmaega
shahron ko viran karega apni aanch ki tezi se
viranon mein mast albele wahshi phul khilaega
han yahi shaKHs gudaz aur nazuk honTon par muskan liye
ai dil apne hath lagate patthar ka ban jaega
dida o dil ne dard ki apne baat bhi ki to kis se ki
wo to dard ka bani Thahra wo kya dard baTaega
tera nur zuhur salamat ek din tujh par mah-e-tamam
chand-nagar ka rahne wala chand-nagar likh jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
