رقص میں آج چارپائی ہے

رقص میں آج چارپائی ہے

کھٹملوں کی بارات آئی ہے

آج بستر زمین پر کر لیں

یہ چغل خور چارپائی ہے

آئیں غالب بھی تو کہاں بیٹھے

ٹاٹ ہے گھر میں نا چٹائی ہے

اس نے چپل بھی چوم کر ماری

یہ بھی انداز دل ربائی ہے

دیکھ کر مجھ کو ہنس پڑے ہیں وہ

کس قدر درد آشنائی ہے

مسکراتے ہیں گالیاں سن کر

یہ سیاست کی بے حیائی ہے

باسی روٹی ہی وقت پر دے دو

یہ بفاتی بھی گھر جمائی ہے

بے تکلفؔ رکھیں گے یاد سبھی

جو ہزل آپ نے سنائی ہے