raunaq-e-daman-e-sad-chaak kahan se laen

raunaq-e-dāman-e-sad-chāk kahāñ se laa.eñ

shahr meñ dasht kī poshāk kahāñ se laa.eñ

hālat-e-jazb meñ idrāk kahāñ se laa.eñ

zahr ke vāste tiryāk kahāñ se laa.eñ

gard-hā-e-ḳhas-o-ḳhāshāk kahāñ se laa.eñ

is qadar gardish-e-aflāk kahāñ se laa.eñ

paanī le aa.e haiñ ab ek na.ī uljhan hai

kūza-gar tere liye ḳhaak kahāñ se laa.eñ

chehrā-mohrā to bahar-hāl damak hī legā

tābish-e-chashma-e-nam-nāk kahāñ se laa.eñ

tujh ko bilkul nahīñ ehsās-e-hunar ai dariyā

ab tire vāste tairāk kahāñ se laa.eñ

ḳhāk-zāde haiñ so bas ek hī rañgat hai nasīb

ḳhud meñ sad-rañgī-e-aflāk kahāñ se laa.eñ

ham bhī jī bhar ke tujhe koste phirte lekin

ham tirā lahja-e-be-bāk kahāñ se laa.eñ

raunaq-e-daman-e-sad-chaak kahan se laen

shahr mein dasht ki poshak kahan se laen

haalat-e-jazb mein idrak kahan se laen

zahr ke waste tiryak kahan se laen

gard-ha-e-KHas-o-KHashak kahan se laen

is qadar gardish-e-aflak kahan se laen

pani le aae hain ab ek nai uljhan hai

kuza-gar tere liye KHak kahan se laen

chehra-mohra to bahar-haal damak hi lega

tabish-e-chashma-e-nam-nak kahan se laen

tujh ko bilkul nahin ehsas-e-hunar ai dariya

ab tere waste tairak kahan se laen

KHak-zade hain so bas ek hi rangat hai nasib

KHud mein sad-rangi-e-aflak kahan se laen

hum bhi ji bhar ke tujhe koste phirte lekin

hum tera lahja-e-be-bak kahan se laen