sari duniya hai ek parda-e-raaz

saarī duniyā hai ek parda-e-rāz

uf re tere hijāb ke andāz

maut ko ahl-e-dil samajhte haiñ

zindagāni-e-ishq kā āġhāz

mar ke paayā shahīd kā rutba

merī is zindagī kī umr darāz

koī aayā tirī jhalak dekhī

koī bolā sunī tirī āvāz

ham se kyā pūchhte ho ham kyā haiñ

ik bayābāñ meñ gum-shuda āvāz

tere anvār se labālab hai

dil kā sab se amiiq gosha-e-rāz

aa rahī hai sadā-e-hātif-e-ġhaib

'josh' hamta-e-hāfiz-e-shīrāz

sari duniya hai ek parda-e-raaz

uf re tere hijab ke andaz

maut ko ahl-e-dil samajhte hain

zindagani-e-ishq ka aaghaz

mar ke paya shahid ka rutba

meri is zindagi ki umr daraaz

koi aaya teri jhalak dekhi

koi bola suni teri aawaz

hum se kya puchhte ho hum kya hain

ek bayaban mein gum-shuda aawaz

tere anwar se labaalab hai

dil ka sab se amiq gosha-e-raaz

aa rahi hai sada-e-hatif-e-ghaib

'josh' hamta-e-hafiz-e-shiraaz