sazgar hai hamdam in dinon jahan apna

sāzgār hai hamdam in dinoñ jahāñ apnā

ishq shādmāñ apnā shauq kāmrāñ apnā

aah be-asar kis kī naala nā-rasā kis kā

kaam bār-hā aayā jazba-e-nihāñ apnā

kab kiyā thā is dil par husn ne karam itnā

mehrbāñ aur is darja kab thā āsmāñ apnā

uljhanoñ se ghabrā.e mai-kade meñ dar aa.e

kis qadar tan-āsāñ hai zauq-e-rā.egāñ apnā

kuchh na pūchh ai hamdam in dinoñ mirā aalam

mutrib-e-hasīñ apnā sāqi-e-javāñ apnā

ishq aur rusvā.ī kaun sī na.ī shai hai

ishq to azal se thā rusvā-e-jahāñ apnā

tum 'majāz' dīvāne maslahat se begāne

varna ham banā lete tum ko rāz-dāñ apnā

sazgar hai hamdam in dinon jahan apna

ishq shadman apna shauq kaamran apna

aah be-asar kis ki nala na-rasa kis ka

kaam bar-ha aaya jazba-e-nihan apna

kab kiya tha is dil par husn ne karam itna

mehrban aur is darja kab tha aasman apna

uljhanon se ghabrae mai-kade mein dar aae

kis qadar tan-asan hai zauq-e-raegan apna

kuchh na puchh ai hamdam in dinon mera aalam

mutrib-e-hasin apna saqi-e-jawan apna

ishq aur ruswai kaun si nai shai hai

ishq to azal se tha ruswa-e-jahan apna

tum 'majaz' diwane maslahat se begane

warna hum bana lete tum ko raaz-dan apna