sab hamare liye zanjir liye phirte hain

sab hamāre liye zanjīr liye phirte haiñ

ham sar-e-zulf-e-girah-gīr liye phirte haiñ

kaun thā said-e-vafādār ki ab tak sayyād

bāl-o-par us ke tire tiir liye phirte haiñ

tū jo aa.e to shab-e-tār nahīñ yaañ har sū

mish.aleñ nāla-e-shab-gīr liye phirte haiñ

terī sūrat se kisī kī nahīñ miltī sūrat

ham jahāñ meñ tirī tasvīr liye phirte haiñ

mo.atakif garche ba-zāhir huuñ tasavvur meñ magar

kū-ba-kū saath ye be-pīr liye phirte haiñ

rañg-e-ḳhūbān-e-jahāñ dekhte hī zard kiyā

aap zor āñkhoñ meñ iksīr liye phirte haiñ

jo hai martā hai bhalā kis ko adāvat hogī

aap kyuuñ haath meñ shamshīr liye phirte haiñ

sar-kashī sham.a kī lagtī nahīñ gar un ko burī

log kyuuñ bazm meñ gul-gīr liye phirte haiñ

tā gunahgārī meñ ham ko koī mat.ūñ na kare

haath meñ nāma-e-taqdīr liye phirte haiñ

qasr-e-tan ko yuuñ hī banvā ye bagūle 'nāsiḳh'

ḳhuub hī naqsha-e-tāmīr liye phirte haiñ

sab hamare liye zanjir liye phirte hain

hum sar-e-zulf-e-girah-gir liye phirte hain

kaun tha said-e-wafadar ki ab tak sayyaad

baal-o-par us ke tere tir liye phirte hain

tu jo aae to shab-e-tar nahin yan har su

mishalen nala-e-shab-gir liye phirte hain

teri surat se kisi ki nahin milti surat

hum jahan mein teri taswir liye phirte hain

moatakif garche ba-zahir hun tasawwur mein magar

ku-ba-ku sath ye be-pir liye phirte hain

rang-e-KHuban-e-jahan dekhte hi zard kiya

aap zor aankhon mein iksir liye phirte hain

jo hai marta hai bhala kis ko adawat hogi

aap kyun hath mein shamshir liye phirte hain

sar-kashi shama ki lagti nahin gar un ko buri

log kyun bazm mein gul-gir liye phirte hain

ta gunahgari mein hum ko koi matun na kare

hath mein nama-e-taqdir liye phirte hain

qasr-e-tan ko yun hi banwa ye bagule 'nasiKH'

KHub hi naqsha-e-tamir liye phirte hain