sab log liye sang-e-malamat nikal aae

sab log liye sañg-e-malāmat nikal aa.e

kis shahr meñ ham ahl-e-mohabbat nikal aa.e

ab dil kī tamannā hai to ai kaash yahī ho

aañsū kī jagah aañkh se hasrat nikal aa.e

har ghar kā diyā gul na karo tum ki na jaane

kis baam se ḳhurshīd-e-qayāmat nikal aa.e

jo darpai-e-pindār haiñ un qatl-gahoñ se

jaañ de ke bhī samjho ki salāmat nikal aa.e

ai ham-nafaso kuchh to kaho ahd-e-sitam kī

ik harf se mumkin hai hikāyat nikal aa.e

yaaro mujhe maslūb karo tum ki mire baad

shāyad ki tumhārā qad-o-qāmat nikal aa.e

sab log liye sang-e-malamat nikal aae

kis shahr mein hum ahl-e-mohabbat nikal aae

ab dil ki tamanna hai to ai kash yahi ho

aansu ki jagah aankh se hasrat nikal aae

har ghar ka diya gul na karo tum ki na jaane

kis baam se KHurshid-e-qayamat nikal aae

jo darpai-e-pindar hain un qatl-gahon se

jaan de ke bhi samjho ki salamat nikal aae

ai ham-nafaso kuchh to kaho ahd-e-sitam ki

ek harf se mumkin hai hikayat nikal aae

yaro mujhe maslub karo tum ki mere baad

shayad ki tumhaara qad-o-qamat nikal aae