sab ne milae hath yahan tirgi ke sath
sab ne milā.e haath yahāñ tīrgī ke saath
kitnā baḌā mazāq huā raushnī ke saath
sharteñ lagā.ī jaatī nahīñ dostī ke saath
kiije mujhe qubūl mirī har kamī ke saath
terā ḳhayāl, terī talab terī aarzū
maiñ umr bhar chalā huuñ kisī raushnī ke saath
duniyā mire ḳhilāf khaḌī kaise ho ga.ī
merī to dushmanī bhī nahīñ thī kisī ke saath
kis kaam kī rahī ye dikhāve kī zindagī
vaade kiye kisī se guzārī kisī ke saath
duniyā ko bevafā.ī kā ilzām kaun de
apnī hī nibh sakī na bahut din kisī ke saath
qatre vo kuchh bhī paa.eñ ye mumkin nahīñ 'vasīm'
baḌhnā jo chāhte haiñ samundar-kashī ke saath
sab ne milae hath yahan tirgi ke sath
kitna baDa mazaq hua raushni ke sath
sharten lagai jati nahin dosti ke sath
kije mujhe qubul meri har kami ke sath
tera KHayal, teri talab teri aarzu
main umr bhar chala hun kisi raushni ke sath
duniya mere KHilaf khaDi kaise ho gai
meri to dushmani bhi nahin thi kisi ke sath
kis kaam ki rahi ye dikhawe ki zindagi
wade kiye kisi se guzari kisi ke sath
duniya ko bewafai ka ilzam kaun de
apni hi nibh saki na bahut din kisi ke sath
qatre wo kuchh bhi paen ye mumkin nahin 'wasim'
baDhna jo chahte hain samundar-kashi ke sath
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
