sabr har bar iKHtiyar kiya

sabr har baar iḳhtiyār kiyā

ham se hotā nahīñ hazār kiyā

ādatan tum ne kar diye va.ade

ādatan ham ne e'tibār kiyā

ham ne aksar tumhārī rāhoñ meñ

ruk kar apnā hī intizār kiyā

phir na māñgeñge zindagī yā-rab

ye gunah ham ne ek baar kiyā

sabr har bar iKHtiyar kiya

hum se hota nahin hazar kiya

aadatan tum ne kar diye wade

aadatan hum ne e'tibar kiya

hum ne aksar tumhaari rahon mein

ruk kar apna hi intizar kiya

phir na mangenge zindagi ya-rab

ye gunah hum ne ek bar kiya