sad-barg gah dikhai hai gah arghawan basant

sad-barg gah dikhā.ī hai gah arġhavāñ basant

laa.ī hai ek taaza shagūfa yahāñ basant

bhar bhar ke gulistāñ meñ mai-e-aish-o-jashn se

detī hai har ghaḌī mujhe ritl-e-garāñ basant

tū uTh chalā to zard hue sab ke rañg-e-rū

kal aa ga.ī bahār meñ ye nā-gahāñ basant

aate nazar haiñ dasht-o-jabal zard har taraf

hai ab ke saal aisī hai ai dostāñ basant

shādābī-e-nasīm se bahr-e-surūr ko

kartī hai josh maar ke ab be-karāñ basant

gar fīl-masal malā.ika hoñ ahl-e-zohd sab

le aave bahr-e-sair unheñ mū-kashāñ basant

patte nahīñ chaman meñ khaḌakte tire baġhair

kartī hai is libās meñ har-dam fuġhāñ basant

gar shāḳh-e-za.afarāñ use kahiye to hai ravā

hai farah-baḳhsh vāqa.ī is had kohāñ basant

gurvā banā ke rīsh-e-moḳhazzab se mohtasib

jaatā hai us maqām meñ jaave jahāñ basant

'inshā' se shaiḳh pūchhtā hai kyā salāh hai

tarġhīb-e-bāda dī hai mujhe ai javāñ basant

sad-barg gah dikhai hai gah arghawan basant

lai hai ek taza shagufa yahan basant

bhar bhar ke gulistan mein mai-e-aish-o-jashn se

deti hai har ghaDi mujhe ritl-e-garan basant

tu uTh chala to zard hue sab ke rang-e-ru

kal aa gai bahaar mein ye na-gahan basant

aate nazar hain dasht-o-jabal zard har taraf

hai ab ke sal aisi hai ai dostan basant

shadabi-e-nasim se bahr-e-surur ko

karti hai josh mar ke ab be-karan basant

gar fil-masal malaika hon ahl-e-zohd sab

le aawe bahr-e-sair unhen mu-kashan basant

patte nahin chaman mein khaDakte tere baghair

karti hai is libas mein har-dam fughan basant

gar shaKH-e-zafaran use kahiye to hai rawa

hai farah-baKHsh waqai is had kohan basant

gurwa bana ke rish-e-moKHazzab se mohtasib

jata hai us maqam mein jawe jahan basant

'insha' se shaiKH puchhta hai kya salah hai

targhib-e-baada di hai mujhe ai jawan basant